УИХ-ын гишүүн Ч.Ундрам Боловсролын багц хуулийн ажлын хэсэгт орчихсон Монгол Улсын ирээдүйн тухай зааварчилгаа өгч, хууль боловсруулах юм гэнэ.

Хоол идэж суугаа охиноо сандалтай нь чирч унаган, гэр бүлийн хүчирхийлэл үйлдэж байгааг нь монголчууд бүгд харсан. Гэтэл түүнийгээ “Миний гэр бүлийн асуудал” гэж жишимч үгүй ярьж байна.

Ингээд ч зогсохгүй тэрхүү бичлэгийг нь ил болгосон нөхөрт нь хуулийн хариуцлага тооцсон. Энэхүү үйлдлийг Ч.Ундрам гэр бүлийн хүчирхийлэл үйлдэж буйг нь ил болгосон хүнд хариуцлага тооцож байгаа нь УИХ-ын гишүүний дархан эрхтэй холбоотой байх магадлалтай гэж олон нийт хардах болсон.

Үнэхээр ч “Биеэ засаад гэрээ зас, Гэрээ засаад төрөө зас” гэдэгчлэн өөрийн гэр бүлийн асуудал байтугай өөрийнхөө ёс зүйн хэм хэмжээг ч мэдэхгүй хүний “ажилласан” хуулийг бид хэрэгжүүлээд баймааргүй байна.

Нэгэнтээ л УИХ-д Ёс зүй, сахилга хариуцлагын Байнгын хороо гэж байгаа хойно Ч.Ундрамд сахилгын шийтгэл ногдуулж, хууль санаачлах зэрэг ажлуудаас холдуулмаар байна. 

Учир нь тэр бусдад ёс зүй ярих хэмжээний хүн биш. Тэр тусмаа сурагч хүүхдүүд, оюутан залууст ямар үлгэрлэл үзүүлнэ гэж итгэн Ч.Ундрамыг Боловсролын багц хуулийн ажлын хэсэгт багтаачхав аа.