Францын засгийн газар тэтгэврийн насыг 62-оос 64 болгон нэмэгдүүлэх шинэчлэлийг хэрэгжүүлэхээр төлөвлөсөн нь олон нийтийн эсэргүүцэлтэй тулгарч, тэмцэл эрчимжсээр байна.

Өнгөрсөн тус хуулийн төслийг Францын Сенатын танхим баталсан бөгөөд Үндэсний Ассамблейн санал хураалтад оруулах  ёстой байв. Гэвч Францын Ерөнхийлөгч Эммануэль Макрон үндсэн хуульд заасан тусгай эрхийн дагуу тус хуулийн төслийг Үндэсний Ассамблейн санал хураалтад оруулахгүйгээр батлахыг хүссэн байна.

Жагсаалд тээвэр, боловсролын салбарынхан идэвхтэй оролцож байгаа төдийгүй нийтийн үйлчилгээний ажилчид ажил хаялт зарласнаар Парис хотын гудамж талбай хогондоо дарагджээ.

Францын засгийн газар тэтгэврийн санг тогтвортой байлгахын тулд тэтгэврийн хэмжээг танах эсвэл татвар нэмэхгүйгээр тэтгэврийн насыг нэмэх нь оновчтой шийдвэр гэж үзэж байгаагаа илэрхийлсээр байгаа юм. Францад эрэгтэйчүүдийн тэтгэврийн нас 66 харин дундаж наслалт нь 81 байдаг. Тус улс тэтгэврийн нас өндөр орнуудын эгнээнд багтдаг бөгөөд Австрали, Ирланд, Нидерланд, Их Британи зэрэг орнуудтай ижил байдаг байна.