Нийслэлийн удирдах ажилтнуудын шуурхай зөвлөгөөний үеэр сүүлийн 14 хоногт гарсан гэмт хэргийн талаар мэдээлэлийг Нийслэлийн Цагдаагийн удирдах газрын дэд бөгөөд НХЖХГ-ын дарга Б.Оюутболд  танилцуулсан. Түүний мэдээлснээр "Өнгөрсөн 14 хоногийн хугацаанд цагдаагийн байгууллагад 18.800 дуудлага мэдээлэл ирсэн нь өмнөх 14 хоногоос 0.1 хувиар өссөн үзүүлэлт аж.

Тодруулбал

• Гэмт хэргийн шинжтэй дуудлага 17.9,
• Зөрчлийн шинжтэй дуудлага 6.5,
• Хүүхэд, гэр бүлийн хүчирхийллийн шинжтэй дуудлага 28.3 хувиар өссөн байна.  

Мөн өмнөх 14 хоногтой харьцуулахад дээрмийн гэмт хэрэг 39.5 хувиар өсжээ. Дээрэмдэх гэмт хэрэг өсөх хандлагатай байгаа учраас цагдаагийн байгууллагаас эргүүл хяналтыг эрчимжүүлэн ажиллаж байгаа ажээ.