Монголчууд ирэх жилд хэрхэн байхаа идээ будааныхаа өнгөөр бэлгэддэг. Сар шинийн баяр дөхөхтэй зэрэгцэн “Үндэсний үйлдвэрлэлээ дэмжье” үзэсгэлэн худалдаа шил шилээ даран гарч, үндэсний нэгэн баяраа тэмдэглэх монголчууд  “Үндэсний үйлдвэрлэгчдээ тэжээдэг” нь нууц биш. Өдгөө ч энд, тэнд үзэсгэлэн худалдаа гараад эхэлчихсэн.

Сар шинийн хамгийн чухал зүйл нь тавгийн идээ байдаг. Тэгвэл энэ жил  ул боовны үнэ одоогоор 5000 төгрөг байгаа бөгөөд цаашид ч өсөх хандлагатай байна.

Тэгвэл залуу гэр бүл 3-аар тойруулж  3 үе  буюу 9 ширхэг боовоор идээ заслаа гэхэд зөвхөн ул боовонд 45000 төгрөг зарцуулна. Ааруул, ээзгий өрөм, шар, цагаан тос, хайлмаг гэх зэргээр зөвхөн цагаан идээгээр тавгийн идээ засахад л 150 орчим мянган төгрөг болох тооцоолол гарч байна.

Тэгвэл  настайчууд 4-5 тойруулж, 5, 7, 9 үе идээ засахад

• 25ш х 5000 төг = 125.000 төг
• 35ш х 5000 төг = 175.000 төг
• 45ш  х 5000 төг = 225.000 төгрөг болж байх жишээтэй бөгөөд зөвхөн тавгийн идээнд энэ хэмжээний мөнгө төгрөг

зарцуулахаар  байна.

Эдийн засаг хаа хаанаа хэцүүдэж байгаа энэ үед Үндэсний үйлдвэрлэгчид ч бас бодууштай л юм.