Хөтөлийн “Цемент шохой”-н үйлдвэр хувийн хэвшил байхдаа манай улсын цементийн 30-40 хувийг хангаж, хариуцлагатай ажилладаг байсан.

Харин хувийн өмчийг төр дээрэмдэж авч захирлаар нь Л.Наранбаатар гэгчийг томилсны дараагаас асуудлууд ар араасаа ундарсан.  2022 оны 3-7 дугаар саруудад Чулуунцарын үйлдвэрийн доторлогооны тоосго нимгэрч зуухны гадна талд хэт халалт үүссэн учраас тус үйлдвэр зогсоход хүрсэн. Мөн засварт шаардагдах сэлбэг хэрэгсэл, тоног төхөөрөмжийн нөөцийг бүрдүүлж чадаагүйн улмаас барилгын ажил ид явагддаг цагт сул зогсолт хийж байсан.

Товчхондоо бол энэ  үйл явц нь хувийн хэвшлийн ажлыг төр дээрэмдэж аваад хэрхэн ажилласан царай нь гэж хэлж болно. Нөгөөтэйгүүр энэ нь удирдлагын хариуцлагагүй байдал, төлөвлөлтийн алдаа.

Урин цаг наашилж, удахгүй барилгын ажил эхэлнэ. Энэ үед Л.Наранбаатарын толгойлж буй “Цемент шохой”-н үйлдвэр цементийн 30-40 хувийг ханган ажиллаж чадахгүй гэдгийг бултаар харцгаасан.

Одоо л гэхэд Үйлдвэрийн шохой агуулах ангорын дээвэрт маш том онгорхой үүссэн байгаа ч Л.Наранбаатар өнөөг хүртэл  засаж янзлаагүй л байгаа.

Тэгэхээр энэ хавар үйлдвэрт дахиад ямар ч асуудал хаанаас ч урган гарч, барилгын салбарыг цементийн гачигдалд оруулж мэдэхээр байна. Энэ бол мэргэжлийн бус түүний  чадвар8 чансаа нь л тэр бөгөөд төрийн оролцоотой юу ч байсан тэнд хариуцлага байдаггүйн тод жишээ  Хөтөлөөс харагдаж байна.