Засгийн газрын ээлжит хуралдаанаар болно. Энэ хуралдаанаар УУХҮ-ийн сайд Г.Ёндонг огцруулахаар болжээ.

Сүүлийн хоёр сарын хугацаанд шатахууны үнэ 600 төгрөгөөр нэмэгдсэн. Тухайн үед салбарын сайд Г.Ёндон “шатахууны ханшийг 100-150 төгрөгөөр буулгах боломжтой” гэж хэлж, албан тушаалдаа үлдсэн ч бензины үнэ  буугаагүй.  Үүнийг дагаад өргөн хэрэглээний бараа бүтээгдэхүүний үнэ ч нэмэгдэж, бүх ачаа иргэдийн нуруун дээр унасан. Энгийн жишээ хэлэхэд такси км нь 1500 төгрөг болж өссөн. Тариа, ногооны хураалт, сургууль, цэцэрлэгийн хичээлийн шинэ жил гээд иргэдийн ажил амьдрал оволздог цагаар шатахуун хомстож байгаа нь салбарын сайдын буруу байхаас аргагүй. Коронавирусээс болоод худалч хүнд бол бараг хоёр жил амьдрал хэвийн горимоор үргэлжлээгүй. Гэтэл бэлэн байдлын зэргийг БАГАХАН сулруулахад л Г.Ёндон сайдын чадвар ийн харагдаж байна.  

Тиймээс МАН-ын гишүүд УУҮХ-ийн сайд Г.Ёндонг Засгийн газраас огцруул гэж Ерөнхий сайдад шахалт үзүүлэх болж. Хэдийгээр Ерөнхий сайд Л.Оюун-Эрдэнэ хэдхэн хоногийн өмнө нэг ч сайдыг огцруулахгүй гэж мэдэгдэж байсан ч өнөөдөр ҮНЭНД ГҮЙЦЭГДЛЭЭ.

Одоо бүр эцэстээ шатахууны нөөцийн хомстолд орж, ШТС-ууд борлуулалт хийхгүй, АИ-92, АИ-95 дууссан гэдэг хариу хэлж, иргэдийн бухимдуулж байна.

Г.Ёндон сайд шатахууны асуудал сөхөгдөх бүрд АМГТГ-ыг урдаа барьдаг. Тэр ч утгаараа Газрын тосны асуудал хариуцсан орлогч дарга Ц.Эрдэнэбаяр нь өнгөрсөн долоо хоногт “Шатахууны нөөц хангалттай бий. Үнэ нэмэгдэхгүй” гэж байсан. Тухайн үед “Улсын хэмжээнд газрын тосны бүтээгдэхүүний нийт нөөц 28 хоног байна. Тухайлбал, АИ-92 бензин 21 хоног, Дизель түлш 35 хоног, АИ-80 шатахуун 35 хоногийн нөөцтэй байна. Хомстол огт үүсээгүй" гэж хэлсэн.

Гэтэл өнөөдөр Ц.Эрдэнэбаяр "Ирэх сарын 1-н хүртэл татан авалттай холбоотой тасалдал үүснэ. Бид шат дараатайгаар асуудлыг зохицуулахаар ажиллаж байна" гэх тайлбар өгчээ.

Ердөө л арьсаа хамгаалах гэсэн явуургүй тайлбар нь бодит байдлын өмнө бүдэрч байгаа нь энэ. Зарим эх сурвалжийн хэлж буйгаар шатахуун нөөцгүй болох бус импортлогчид үнээ нэмэхийн тулд тасалдал үүсгэж байгаа гэх нь ч чих дэлсэв.

Юутай ч салбараа олигтойхон менежментээр удирдаж, шатахууны нөөц болон үнийг импортлогч нартай зөвшилцөн тогтоон барьж дийлэхгүй суугаа Г.Ёндонг  Ерөнхий сайд үдэж өгөхөөс аргагүйгээр ҮНЭНД ГҮЙЦЭГДЛЭЭ.