Даваа гарагт “N” гэх Их Британийн армиас байлдаж байсан мэргэн буудагчийг Талибаны цэргүүд байршлыг нь тогтоож гэр бүлийнхнийх нь өмнө хороожээ. Тэрээр 5 хүүхдийн аав байсан бөгөөд түүнтэй холбоотой хүмүүсийг хамгаалахын тулд нэрийг нь нууцалж байгаа аж. Барууны хамтрагч улсууд маш бага хугацаанд, дутуу төлөвлөсөн нүүлгэн шилжүүлэх үйл ажиллагааны үеэр “N” нуугдаж байсан ч баригджээ.

Их Британийн армийн хурандаа байсан Аш Александер Күүпэр “Тэрээр аминд нь аюул учирсан тул нуугдаж байсан. Гэхдээ тэд түүнийг олоод, маш олон удаа буудсан гэж 8 удаа Афганистанд очиж, “N”-тэй хамт зүтгэж байсан хурандаа хэлэв. Мэргэн буудагч нь маш үр дүнтэй CF333 гэх Их Британийн армийн сургасан Афган багт байжээ.

Хурандаа Аш “Энэ зүйл ямар ч заавар, зөвлөмжгүй ард үлдсэн хүмүүст тохиолдох нь ойлгомжтой байсан” гэж хэлсний зэрэгцээ “Талибан бусад улс орнуудтай ажиллаж байсан хүмүүсийг өршөөнө гэсэн нь хий хоосон амлалт байсан гэдгийг баталж байна” гэжээ.

Үүнээс гадна маш олон хүмүүс Талибаны хүчирхийлэлд зовж байгаа.  Их Британийн армид орчуулагчаар ажиллаж байсан нэгэн баригдахад 25 цэрэг түүнийг маш хэрцгийгээр зодсон, Шариф Карими гэх 31 настай 4 хүүхдийн аав 4 өдрийн туш агааргүй газар хоригдсон гэх зэргээр хэргүүд ар араасаа гарсаар байна.

Эх сурвалж: Fox News