Австрийн нэгэн иргэн нас барсан эхийнхээ цогцсыг занданшуулан жил гаруй хугацаанд байрныхаа зооринд хадгалж байсан болохыг цагдаа нар илрүүлжээ.

Талийгаач эх нь оюун санааны хямралд орсон өвчтэй байсан ба 89 насандаа байгалийн жамаараа өнгөрсөн оны 6 дугаар сард амьсгал хураажээ. Харин хүү нь өдгөө 66 настай ба талийгаачийн цогцсыг зооринд хийж, ялзарч буй үнэрийг нь дарахын тулд мөсөөр хучиж, мөсөн боолт тавьсан байжээ.

Хэрэг талийгаачийн тэтгэмжийг хүргэж өгдөг шинэ шууданчтай уулзах хүсэлтийг хүлээн аваагүйгээс болж шалгагдаж эхэлсэн болохыг цагдаа нар тайлбарлалаа. Мөн нарийвчлан шалгаж үзэхэд тэрбээр ээжийнхээ тэтгэврийн мөнгийг үргэлжлүүлэн авах зорилгоор дээрх үйлдлийг гаргасан байсан бөгөөд ийнхүү хууль бусаар 50,000 еврог улсаас авсан байх магадлалтай гэнэ.

Түүнчлэн сэжигтэн гэрийнхэндээ ээжийгээ эмнэлэгт хэвтэн эмчлүүлж байгаа гэж худал хэлсэн байсан нь тогтоогджээ.