АНУ амласнаараа 8 дугаар сарын 31-нд Афганистаныг орхиж, Талибан баяраа тэмдэглэж, Америк хамгийн удаан үргэлжилсэн дайндаа төгсгөл тавилаа. Одоо хүмүүсийн сэтгэлийг тавгүйтуулж байгаа зүйл бол АНУ-ын армиас Талибанд үлдээсэн дайны зэвсэг,  хэрэгслүүд ямар байдлаар ашиглагдах вэ гэдэг асуудал анхаарлын төвд буй.

Энэ айдас тархахын зэрэгцээ АНУ-ын Төв удирдлагын Командлагч Генерал Кеннет Ф.Мкензи Жр. цэргийн багаж, хэрэгсэл, машин, онгоцнууд бүгд идэвхгүй, ажиллуулах боломжгүй болсон тул Талибанд ямар ч хэрэггүй гэж хэлжээ.

Мягмар гарагт Пентагоноос ямар эд хөрөнгө үлдээснийг зарласан. Үүнд нисэх онгоцны буудлын хамгаалалтад суурилуулсан пуужин, артиллер, миномет эсэргүүцэгч (C-RAM), дэлбэрэлтээс хамгаалагч тээврийн хэрэгсэл 70 ширхэг (MRAP), 73 ширхэг нисэх онгоц,  27 ширхэг “Humvee”  загварын тээврийн хэрэгслийг нисэх онгоцны Карзай буудалд үлдээжээ.

Генерал Ф.Мкензи  Жр. “Энэ системүүдийг задлах нь маш нарийн төвөгтэй ажил байдаг. Тиймээс бид идэвхгүй болгож, хэзээ ч дахин ашиглагдахааргүй болгосон. Хэрэгслүүдийг зөөхөөсөө илүү өөрсдийн цэргүүдийг хамгаалах нь илүү чухал гэж үзсэн тул ийм шийдвэр гаргасан. Мөн нисэх онгоцнууд анхнаасаа даалгавар гүйцэтгэх чадваргүй байсан бөгөөд  одоо ч гэсэн энэ онгоцнууд дахин нисэхгүй” гэж хэлжээ.

Эх Сурвалж: India Toda