УИХ-ын гишүүн Ж.Мөнхбат эхнэрээ үүрээр 04:00 цагт зодож, биед нь “аюултай” зэрэгт хамаарагдах гэмтэл учруулсан тухай бид өчигдөр /2021.06.16/ мэдээлсэн. Гэтэл Ж.Мөнхбат өдөр нь төрийн ордонд УИХ-ын Төрийн байгуулалтын Байнгын хорооны хурлыг даргалаад жишим ч үгүй сууж байна.

Гэрээ байтугай биеэ засч чадаагүй хүн төрийн ордонд ХУУЛИЙН ТӨСӨЛ ХЭЛЭЛЦЭЭД сууж байна гэдэг ямар том ЭМГЭНЭЛ вэ.

Ж.Мөнхбатын энэ дуулиан өмнөх асуудлуудыг нь сөхөж гаргахад хүргэж байна. Тэр урьд нь ч эхнэрээ зодож байсан тухай эх сурвалжууд ярьж байна. Бүр эхнэрийг нь энэ удаа гэр бүлийн хүчирхийллийн ЗОЛИОС болж дуугүй суулгүй, эцсийг нь үзэж, түүнтэй адил өндөр албан тушаалтнуудад СУРГАМЖ болох ёстой гэлцэж байгаа билээ.

Үнэхээр ч архангайчуудын итгэлийг өвөрлөж, УИХ-ын гишүүн болсон түүний хувьд өөрийгөө хэн  болохыг харууллаа.

Үүр, шөнийн дуудлагаар цагдаа нарыг очиход мань Ж.МӨНХБАТ эзгүй байсан бөгөөд тэд  "Хохирогчийн дээд уруул язралттай, аюулгүйн зэргийн үнэлгээ их хэмжээтэй" гэсэн дүгнэлт гаргасан байна. Тиймээс ч эхнэр нь шүүх эмнэлэгт хандсан биз.

Цагдаа нар дуудлагаар очиход Ж.Мөнхбат эзгүй байсан нь тун энгийн. УИХ-ын тухай хуулийн 9.1.1.гэмт үйлдлийнх нь явцад, эсхүл гэмт хэргийн газарт нотлох баримттай нь баривчилж, улмаар бүрэн эрхийг  нь түдгэлзүүлэх тухай саналыг Улсын ерөнхий прокурор  Улсын Их Хуралд оруулсан тохиолдолд гишүүний БҮРЭН ЭРХИЙГ ТҮДГЭЛЗҮҮЛЭХ асуудал хөндөгдөх тухай заасан байдаг. Товчхондоо Ж.Мөнхбат БҮРЭН ЭРХ-тэйгээ үлдэхийн тулд  эхнэрээ ЗОДЧИХООД “алга болж”, өдөр гэнэт гарч ирсэн  хэрэг.

Түүнийг эхнэрээ зодох үедээ СОГТУУРУУЛАХ УНДААНЫ ЗҮЙЛ ХЭРЭГЛЭСЭН БАЙЖ БОЛЗОШГҮЙ гэх яриа бий. Хэрвээ АРХИНЫ ХАЛУУНААР ЭХНЭРЭЭ ЗОДСОН бол дээрх хуулийн заалтыг САНАЖ гэрээсээ “зугтсаныг” хэрхэн ойлгох вэ.

Хууль санаачлан, батлалцана гэж олны саналыг авч, төрд тангараг өргөсөн эрхэм гишүүн Ж.МӨНХБАТ та эхнэрээ зодож ГЭР БҮЛИЙГ ХҮЧИРХИЙЛЭЛ ҮЙЛДСЭН ТУЛ ГИШҮҮНИЙ БҮРЭН ЭРХЭЭСЭЭ ТАТГАЛЗАХ ЁСТОЙ. Үүнийг ард түмэн танаас шаардаж байгааг үүгээр уламжилъя.